Tuesday, July 28, 2015
 
Search Site    Search  







  
Minimize

 

 

የኢትዮጵያ ሰብዓዊ መብት ኮሚሽን የ2007 አገራዊ ጠቅላላ ምርጫ ክትትልን

በሚመለከት የተሰጠ ጋዜጣዊ መግለጫ

ግንቦት 22/2007

አዲስ አበባ፣ ኢትየጵያ

መግቢያ

የኢትዮጵያ ሰብዓዊ መብት ኮሚሽን በህገ መንግስቱ አንቀጽ 55/14 መሰረት በአዋጅ ቁጥር 210 በ1992 ዓ.ም የተቋቋመ ነፃና ገለልተኛ ብሄራዊ የሰብዓዊ መብት ተቋም ነው፡፡ ኮሚሽኑ በኢ.ፊ.ዲ.ሪ ህገ መንግስት የተረጋገጡት ሰብዓዊ መብቶችን የማስከበር፣ የማስተማር እና አፈፃፀማቸውን የመከታተል ተግባራት እንዲያከናውን ስልጣንና ሃላፊነት ተሰጥቶታል፡፡ በዚህም መሰረት በተለይም ባለፉት አምስት ዓመታት ዘርፈ ብዙ ተግባራትን ለማከናወን ችሏል፡፡

ኮሚሽኑ በማቋቋሚያ አዋጁ በግልፅ በተሰጠው ሃላፊነት መሰረት የሰብዓዊ መብቶች በመንግስት፤ በፖለቲካ ፓርቲዎች እና በሌሎች አካላት መከበራቸውን ይከታተላል፤ ተጥሰው ሲያገኝም የእርምት እርምጃ እንዲወሰድ ያደርጋል፡፡ የኢትዮጵያ ሰብዓዊ መብት ኮሚሽን በአገራችን ለሰብዓዊ መብቶች በበለጠ መከበር ምቹ ሁኔታን የሚፈጥረውና የዳበረ ዴሞክራሲ የሚገነባው ሰብዓዊ መብት ኮሚሽን እና ሌሎች በህገ መንግስቱ መሰረት የተቋቋሙ ነፃና ገለልተኛ የሆኑት የዴሞክራሲ ተቋማት ሲጠናከሩ እና በሰብዓዊ መብት አከባበር ላይ ውጤታማ ክትትልና ድጋፍ ማድረግ ሲችሉ መሆኑን ያምናል፡፡

ምርጫ የአንድ ዴሞክራሲያው አገር ምሰሶ የሆነ ታላቅ አገራዊ ክንውን እንደመሆኑ መጠን በሂደቱ የመምረጥና የመመረጥ መብት እንዲሁም ሌሎች ተያያዥ የሰብዓዊ መብቶች በተገቢው ሊከበሩ የሚገባቸው ናቸው፡፡ ከዚህ አኳያ በኢፌዲሪ ህገ መንግስት አንቀፅ 38 እንዲሁም አገራችን ፈርማ በተቀበለቻቸው ዓለም አቀፍና አህጉራዊ የሰብዓዊ መብት ስምምነቶች ላይ የተረጋገጡት የመምረጥና የመመረጥ መብቶች አገሪቷ ባስቀመጠቻቸው ዝርዝር ህጎች መሰረት መፈፀሙን ለማረጋገጥ ኮሚሽኑ የምርጫ ሂደት ላይ ክትትል ያደርጋል፡፡

ይህንንም በውል በመገንዘብም ኮሚሽኑ በ2002 ዓ.ም የተካሄደውን አራተኛው አገራዊ ጠቅላላ ምርጫ በመከታተል የሂደቱን የክትትል ሪፖርት ማውጣቱ ይታወሳል፡፡ በሪፖርቱ ላይ የተመለከቱት ጉዳዮችም እንዲተገበሩ ክትትልና ድጋፍ ሲያደርግ ቆይቷል፡፡ ተያይዞም በዘንድሮው ግንቦት 16 ቀን በተካሄደው አምስተኛው አገራዊ ጠቅላላ ምርጫ ሂደት የመምረጥና የመመረጥ መብትን አፈፃፀም እንዲሁም የሌሎች ተያያዥ ሰብዓዊ መብቶች መከበርን ለማረጋገጥ ዕቅድ አውጥቶ  የክትትል ስራ አከናውኗል፡፡ ቀደም ብሎም ለክትትሉ በቂ የቅድመ ዝግጅት ስራዎች የተከናወኑ ሲሆን በተለይም ለክትትሉ የሚያስፈልጉ የተለያዩ መጠይቆችና ቼክ ሊስቶች ህገ መንግስቱን፣ ዓለም አቀፍ መስፈርቶችን እና የምርጫ ህጎችን መሰረት በማድረግ ተዘጋጅተው ጥቅም ላይ ውለዋል፡፡

በክትትሉም ኮሚሽኑ ከዋናው መ/ቤት እና ከ8ቱ ቅርንጫፍ ጽ/ቤቶቹ የተመለመሉ ከሁለት መቶ በላይ ባለሙያዎቹን ከ 2000 በላይ ምርጫ ጣቢያዎች እና ከአምስት መቶ በላይ ምርጫ ክልሎች ላይ የክትትል ስራውን እንዲያከናውኑ በመላ አገሪቱ አሰማርቷል፡፡ የምርጫ ክትትል ስራው የቅድመ ምርጫ ሂደቱ፤ የምርጫውን ቀን ክንውን እና የድህረ ምርጫውን ሁኔታ የሚያጠቃልል ነው፡፡ ይህ መግለጫ በምርጫው ሂደት ዋና ዋና ጉዳዮች ጠቅለል ባለ መልኩ በማካተት እንደሚከተለው ቀርቧል፡፡

1. የቅድመ-ምርጫ ሂደት

ኮሚሽኑ በቅድመ ምርጫው ወቅት ከብሔራዊ ምርጫ ቦርድ ሃላፊዎች ጋር መወያየቱ ለሚያከናውነው አጠቃላይ የክትትል ስራ አስፈላጊው ድጋፍ ከቦርዱ ማግኘት አስችሎታል፡፡ በቅድመ ምርጫው ወቅት በምርጫ ቦርድ በኩል የነበረውን ዝግጅት፤ የምርጫው ጊዜ ሰሌዳ አወጣጥ ሂደቱን፣ የመራጮች ምዝገባ፣ የዕጩ ተወዳዳሪዎች ምዝገባ፣ የፖለቲካ ፓርቲዎችን የምርጫ ቅስቀሳ፣ ለፖለቲካ ፓርቲዎች ስለነበረው የገንዘብ ድጋፍ እና ሌሎች ተያያዥ ክንውኖች በክትትሉ ተዳሰዋል፡፡ ለዚህ ስራም ለምርጫ አስፈፃሚዎች፣ ለህዝብ ታዛቢዎች፣ ተፎካካሪ ፖለቲካ ፓርቲዎችና ለመራጮች የተለያዩ መጠይቆች ተዘጋጅተው መረጃዎችን ለመሰብሰብ ጥረት ተደርጓል፡፡

በተሰበሰቡት መረጃዎች መሰረት መራጮች የመምረጥ መብታቸውን በተሟላ ሁኔታ መጠቀም እንዲችሉ በሚያደርግ መልኩ ምርጫ ቦርድ የምርጫ ጊዜ ሰሌዳውን ከፖለቲካ ፓርቲዎች ጋር ምክክር አድርጎ በማውጣትና ቀደም ብሎ በማሳወቅ እንዲሁም የምርጫ ጣቢያዎችን ተደራሽ በሆነ መልኩ ከማደራጀት በተጨማሪም የምዝገባ ቀናትን በማራዘም ሃላፊነቱን በሚገባ መወጣት መቻሉን ኮሚሽኑ ማረጋገጥ ችሏል፡፡ በዚህም ምክንያት ከ37 ሚሊዮን መምረጥ ከሚችል ዜጋ ውስጥ 36.8  ሚለዮን መራጭ ህዝብ ተመዝግቧል፡፡ መራጩ ህዝብ በስፋት መመዝገብ እንዲችል የተለያዩ ስራዎችን ከማከናዎን በተጨማሪ በምርጫ ዙሪያ በተለያዩ መንገዶች ህዝቡን የማሳወቅና የማስተማር ስራዎች መከናወናቸው እንዲሁም ከአካባቢያቸው ርቀው ያሉ የህብረተሰብ ክፍሎች ማለትም የመከላከያ ሰራዊት አባላት እና የከፍተኛ ትምህርት ተቑማት ተማሪዎች ባሉበት መምረጥ እንዲችሉ ልዩ የምርጫ ጣቢያዎች በምርጫ ቦርድ ተቆቁሟል፡፡ ሆኖም በህጉ መሰረት አንድ የምርጫ ጣቢያ 1000 መራጮችን መመዝገብ የነበረበት ቢሆንም በአንዳንድ ምርጫ ጣቢያዎች ከዛ በላይ መራጮች መመዝገባቸውን ኮሚሽኑ ተረድቷል፡፡

የፖለቲካ ፓርቲዎች ዕጩ ተወዳዳሪዎች ምዝገባን በሚመለከት የምርጫ ህግን ተከትሎ በቂ ጊዜ ተሰጥቶት ተከናውኗል እንዲሁም በአንዳንድ ፖለቲካ ፓርቲዎች ከሂደቱ ጋር ተያይዞ የቀረቡ ቅሬታዎችን ለመፍታት ቦርዱ ጥረት አድርጓል፡፡

የሴቶች በተመራጭነት ተሳትፎን በተመለከተ ገዥው ፓርቲ የሴት ዕጩ ተወዳዳሪዎችን ካለፈው ምርጫ ከነበረው 28 ፐርሰንት ወደ 37 ፐርሰንት ከፍ ማድረጉ እንዲሁም ቦርዱ በገንዘብ ድጋፍ እና የምረጡኝ ቅስቀሳ የአየር ጊዜ ድልደላ ቀመር ተፎካካሪ የፖለቲካ ፓርቲዎች ሴቶችን በዕጩ ተወዳዳሪነት እንዲያቀርቡ የሚያበረታታ እርምጃ መውሰዱ የሚያስመሰግን ነው፡፡ ሆኖም አሁንም የተመራጭ ሴቶች ተሳትፎ አነስተኛ በመሆኑ የሚመለከታቸው አካላት በሙሉ በተጠናከረ ሁኔታ እንዲቀሳቀሱ ኮሚሽኑ በዚህ አጋጣሚ ለማሳሳብ ይወዳል፡፡

የፖለቲካ ፓርቲዎች የምርጫ ቅስቀሳ እንዲያከናውኑ የሚያስችል የአየር ጊዜና የህትመት ድልድል መደረጉ ፓርቲዎችም ፕሮግራሞቻቸውን ማቅረብ መቻላቸው ለምርጫው የበኩልን መልካም አስተዋፅኦ ማድረጉን ኮሚሽኑ ተረድቷል፡፡ በአንፃሩ አንዳንድ ተፎካካሪ ፖለቲካ ፓርቲዎች የተሰጣቸውን የአየር ጊዜ እና አምዶች በአግባቡ መጠቀም ያለመቻላቸውን ኮሚሽኑ ተገንዝቧል፡፡ በምርጡኝ ዘመቻ ወቅት በአንዳንድ ፖለቲካ ፓርቲዎች በሚዲያዎች የሚያስተላልፉቸው ፕሮግራሞች እንዳይተላለፉ ታግደዋል የሚሉ እንዲሁም የምርጫ ፓስተሮች መቀደድ እና በመሳሰሉ ጉዳዮች ላይ ለምርጫ ቦርድ አቤቱታዎች የቀረቡ መሆኑን በክትትላችን ወቅት ተረድተናል፡፡ በዚህ ሂደት በተለይም በየደረጃው የሚገኙ የፖለቲካ ፓርቲዎች የጋራ ምክር ቤቶች በቅድመ ምርጫ የተነሱ ችግሮችን ለመፍታት መቻላቸው በበጎ ጎን የሚታይ ነው፡፡ በአጠቃላይ የምርጫ ቅስቀሳ ሂደቱ ጥሩ የሆነ የውድድር መንፈስ የተስተዋለበት፤ ተፎካካሪ ፖለቲካ ፓርቲዎች ፕሮግራሞቻቸውንና ዕጩዎቻቸውን ከሞላ ጎደል ለህዝብ ማስተዋወቅ የቻሉበት ነበር፡፡

ፓርቲዎችን ለመደገፍም ከዚህ ቀደም ከነበረው መስፈርት በተለየ መልኩ የተሻለ የገንዘብ ድጎማ በመንግስት በኩል የተደረገ መሆኑ የታየ ሲሆን ይህም ፖርቲዎች በምርጫው በተሻለ ሁኔታ እንዲሳተፉ ድጋፍ ያደረገ መሆኑን ለመረዳት ተችሏል፡፡

በደቡብ ክልል ከፋ ዞን ግምቦ እና ጋዋታ ወረዳዎች በሚገኙ የምርጫ ክልሎች ከምርጫ ጋር በተያያዘ ግጭት መፈጠሩንና ምርጫ ቦርድ በአካባቢው ምርጫው በሌላ ጊዜ እንዲካሄድ ውሳኔ ማሳለፉ ኮሚሽኑ ተገንዝቧል፡፡

በአጠቃላይ በቅድመ ምርጫ ሂደት የተፈጠሩ አንዳንድ አነስተኛ ክፍተቶች የነበሩ ቢሆንም አብዛኞቹ በየደረጃው ባሉ የፓለቲካ ፓርቲዎች የጋራ ምክር ቤቶች እንዲሁም በምርጫ ቦርድ ቅሬታ ሰሚ አካላት ህግን መሰረት ባደረገ መልኩ መፈታት የቻሉ መሆናቸውን ኮሚሽኑ ተገንዝቧል፡፡

2. የምርጫ ዕለት

ምርጫ ቦርድ ለድምፅ አሰጣጥ አስፈላጊ የሆኑ የድምጽ መስጫ ወረቀቶችና ኮረጆዎችን የመሳሰሉ ቁሳቁሶች በሁሉም ምርጫ ጣቢያዎች በወቅቱ እንዲደርሱ ማድረጉ፤ ብቁ የምርጫ አስፈፃሚዎች በሁሉም ምርጫ ጣቢያዎች መመደቡና እንዲሁም የምርጫ ጣቢያዎችን ለድምፅ አሰጣጥ አመቺ በሆነ መልኩ ማዘጋጀቱ ቦርዱ ሃላፊነቱን መወጣቱን ያሳየ ነው፡፡ የኮሚሽኑ የክትትል ባለሙያዎችን ተዘዋውረው በተከታተሏቸው አብዛኞቹ ምርጫ ጣቢያዎች ህጉ በሚፈቅደው መሰረት የምርጫ አስፈፃሚዎች የድምፅ መስጫ ኮረጆዎች ባዶ መሆናቸውን ለታዛቢዎችና ለተፎካካሪ ፖለቲካ ፓርቲ ተወካዮች በማሳየትና ቃለ ጉባኤ በመፈራረም ጠዋት 12 ሰዓት ላይ ድምጽ መስጠት መጀመሩን፤ የህዝብና የተወሰኑ ፖለቲካ ፓርቲ ተወካዮች በታዛቢነት መገኘታቸውን፤ ከምሽቱ 12 ሰዓት ድምፅ መስጠቱ መጠናቀቁን አረጋግጠዋል፡፡ ሆኖም በድምፅ አሰጣጥ ሂደቱ ላይ በአበዛኞቹ ምርጫ ጣቢያዎች በተለያዩ ምክንያቶች የአብዛኞቹ ፖለቲካ ፓርቲዎች ተወካዮች ያልተገኙ መሆኑን ኮሚሽኑ ተገንዝቧል፡፡ በተጨማሪም በአንዳንድ ከፍተኛ የትምህርት ተቋማት የድምፅ መስጫ ወረቀቶች እጥረት ያጋጠመ በመሆኑ ቦርዱ ችግሩን ለመፍታት ተጨማሪ የምርጫ ወረቀቶች በወቅቱ እንዲደረሱ ጥረት ከማድረጉም በላይ በማግስቱ ምርጫው እንዲካሄድ ተደርጓል፡፡

በድምፅ አሰጣጡ ወቅት የምርጫ አስፈፃሚዎች ለመራጩ ህዝብ ድምፅ ከመስጠታቸው በፊት ስለ አመራረጡ ገለፃ የሚያደርጉ በመሆኑ መራጩ ህዝብ ስለአመራረጡ ግንዛቤ እንዲኖረው ለማድረግ ተሞክሯል፡፡ ሆኖም አልፎ አልፎ ድምፅ አልባ የሆኑ የመምረጫ ወረቀቶች መኖራቸውን ኮሚሽኑ ተመልክቷል፡፡ በመሆኑም  ይህን ችግር ለመቅረፍ ሰፊ የግንዛቤ ማስጨበጫ ስራዎች መሰራት ያለባቸው መሆኑን ኮሚሽኑ ያምናል፡፡

አካል ጉዳተኞች እንዲሁም በእድሜ የገፉ መራጮችን ጨምሮ ለመብት ጥሰት ተጋላጭ የሆኑ የማህበረሰብ አካላት ቅድሚያ ተሰጥቷቸው እና አስፈላጊው ድጋፍ ተደርጎላቸው ድምፅ እንዲሰጡ የተደረገ ጥረትን ኮሚሽኑ ተመልክቷል፡፡

የሲቪል ማህበራት ጥምረት እና የአፍሪካ ህብረት የምርጫ ታዛቢዎች ሚሽን ምርጫውን እንዲታዘቡ መፈቀዱና መመቻቸቱ በተለይም የድምፅ አሰጣጥ ሂደቱ ላይ የሲቪል ማህበራት ጥምረት አባላት በሰፊው ትዝብቱን ማድረጉ ኮሚሽኑ በአዎንታዊ መልኩ አይቶታል፡፡

3. ድህረ-ምርጫ

የድምፅ አሰጣጡ ከምሽቱ 12 ሰዓት ላይ ከተጠናቀቀ በኋላ የህዝብ ታዛቢዎች፣ የፖለቲካ ፓርቲ ተወካዮች (በተገኙበት)፣ የሲቪል ማህበራት ጥምረት ታዛቢዎች ባሉበት የድምፅ ቆጠራው በግልፅ የተካሄደ መሆኑን ኮሚሽኑ አይቷል፡፡ በሁለት ምርጫ ጣቢያዎች የኮሚሽኑን የክትትል ስራ ባለመረዳት ባለሙያዎቻችን ድምፅ ቆጠራውን መከታተል ካለመቻላቸው ውጭ ኮሚሽኑ በመረጣቸው ጣቢያዎች ላይ የድምፅ ቆጠራውን በሚገባ ለመከታተል ችሏል፡፡ የድምፅ ቆጠራው ታዛቢዎችና የፖለቲካ ፓርቲዎች (በተገኙበት) እንዲሁም ምርጫ አስፈፃሚዎች ተፈራርመውበት ከተጠናቀቀ በኋላ በአብዛኞቹ የምርጫ ጣቢያዎች ውጤቱ ለህዝብ እንዲታይ ሆኖ መለጠፉን የኮሚሽኑ የክትትል ባለሙያዎች ተዘዋውረው ተመልከተዋል፡፡

የድህረ ምርጫ ሂደቱን አሁንም ኮሚሽኑ ክትትል እያደረገበት ያለ ሲሆን እስካሁን ያለው ሂደት ከምንጊዜውም በበለጠ ሰላማዊ መሆኑን ኮሚሽኑ ተመልክቷል፡፡ ከዚህ አንፃር የኢትዮጵያ ህዝብ፣ መንግስት፣ የፖለቲካ ፓርቲዎች እንዲሁም ምርጫ ቦርድ የድምፅ አሰጣጡና ቆጠራው ሰላማዊ በሆነ መልኩ እንዲካሄድ በሚያስችል መልኩ በብስለትና ሃላፊነት በተሞላበት ሁኔታ የተንቀሳቀሱ መሆኑን ኮሚሽኑ ተገንዝቧል፡፡  

ማጠቃለያ

የ2007 ዓ.ም የኢትዮጵያ አገራዊ ጠቅላላ ምርጫ 36.7 ሚሊዮን መራጮች ተመዝግበው ከፍተኛ ቁጥር ያላቸው መራጮች ድምፅ የሰጡበት እንዲሁም 58 የፖለቲካ ፓርቲዎች የተሳተፉበት ታላቅ አገራዊ ፖለቲካዊ ክንዋኔ ነው፡፡ ይህ ታላቅ ክንዋኔ ከቅድመ ምርጫው እስከ ድህረ ምርጫው ባሉ ሂደቶች የተፈጠሩ አንዳንድ ክፍተቶችና አቤቱታዎች በፖለቲካ ፓርቲዎች የጋራ ምክር ቤቶች፣ በምርጫ ቦርድ እንዲሁም ጥቂቶች በፍርድ ቤቶች በህግ አግባብ እየተፈቱ በተረጋጋና ሰላማዊ በሆነ ሁኔታ የተጠናቀቀ መሆኑን ኮሚሽኑን ተገንዝቧል፡፡

ይህ ምርጫ ሰብአዊ መብቶች የተረጋገጡበትና ሰላማዊ ሆኖ እንዲጠናቀቅ የኢትዮጵያ ህዝብ በከፍተኛ ቁርጠኝነት መንቀሳቀሱን ኮሚሽኑ በአድናቆት ተመልክቷል፡፡ የኢትዮጵያ ህዝብ ለሰብዓዊ መብቶች መከበርና ለዴሞክራሲ መጎልበት ሰላም ያለውን ከፍተኛ ፋይዳ በሚገባ በመረዳት ምርጫው ሰላማዊ ሆኖ እንዲጠናቀቅ ያላሳለሰ ጥረት ማድረጉ እጅግ የሚያስመሰግነው መሆኑን ኮሚሽኑ ያሰምርበታል፡፡ በመሆኑም ለመላው የኢትዮጵያ ህዝብ ኮሚሽኑ ያለውን ከፍተኛ አክብሮትና አድናቆት በዚህ አጋጣሚ ለመግለፅ ይወዳል፡፡

ምርጫ ቦርድ 46,000 ምርጫ ጣቢያዎችን በማደራጀት በተመሳሳይ ጊዜ ውስጥ ምርጫው በአገር አቀፍ ደረጃ እንዲካሄድ የሚያስችሉ ተግባራትን በማከናወን የተጣለበትን ከባድ ሃላፊነት ብቁ በሆነ መንገድ መወጣት ችሏል፡፡

በምርጫው የተሳተፉ ተፎካካሪ የፖለቲካ ፓርቲዎችም በአገሪቱ ህግ መሰረት በከፍተኛ የውድድር መንፈስ በምርጫው ላይ መሳተፋቸውን ኮሚሽኑ የተረዳ ሲሆን በሂደቱ ያጋጠሟቸውን ችግሮች በህግ አግባብ እንዲፈቱ ለማድረግ መጣራቸው የሚያስመሰግን ሆኖ አግኝተነዋል፡፡ ፓርቲዎቹ የተሸከሙትን ከባድ አገራዊ ሃላፊነት በመገንዘብ ምርጫው በሰላማዊ መንገድ እንዲጠናቀቅ የበኩላቸውን ያልተቆጠበ ጥረት ማድረጋቸውን ወድፊትም እንዲቀጥሉ እና ህገ መንግስቱ ለህዝብ የሰጠውን ሉዓላው ስልጣን እንዲያከብሩ ኮሚሽኑ አበክሮ ያሳስባል፡፡

በአጠቃላይ የ2007 አምስተኛው አገራዊ ጠቅላላ ምርጫ በጥቅሉ ህገ መንግስቱን፤ የምርጫ ህጎችን እንዲሁም ዓለም አቀፍ መስፈርቶችን መሰረት ባደረገ መልኩ የተከናወነ መሆኑን ኮሚሽኑ ባደረገው ክትትል ተረድቷል፡፡ ከዚህ አንፃር የምርጫው ሂደት ሰላማዊ፣ ነፃ፣ ዴሞክራሲያዊና ፍትሃዊ እንደሆነ እና የመምረጥና የመመረጥ መብቶችን ጨምሮ የዜጎች ሰብዓዊ መብቶችን ባከበረ መልኩ መከናወኑን ኮሚሽኑ ተገንዝቧል፡፡

በመጨረሻም በዚህ የምርጫ ሂደት የታዪ ጥሩ ተሞከሮዎችንና ትኩረት የሚሹ ክፍተቶችን በመለየት ዝርዝር የምርጫ ሂደት ክትትል ሪፖርት በቅርብ ጊዜ በማውጣት ተግባራዊ እንዲደረግና የዜጎች ሰብአዊና ዲሞክራሲዊ መብቶች እንዲከበሩና እንዲስፋፉ ለማድረግ ከባለድርሻ አካላት ጋር ተባብሮ የሚሰራ መሆኑን ኮሚሽኑ ለመግለፅ ይወዳል፡፡

                                          አመሰግናለሁ!!!

 

The Ethiopian Human Rights Commission is monitoring 5th National General Election

                                                                                                        May 23 2015

  With a view to insure that Ethiopians fully enjoy their right to elect and to be elected as recognized under the FDRE Constitution and ratified international human rights instruments, EHRC has deployed all its trained staff in all parts of the country to undertake pre, during and post elections monitoring.

It will soon issue its press- release and preliminary reports on the whole election process.

 

 

 

Commission to Celebrate International Human Rights Day

The Ethiopian Human Rights Commission will celebrate the 8th international human rights day in Assossa, the Capital of Beneshangul Gumuz Regional State on10th December, 2014.

Two major events will take place during the day. One will be a marching program which will be conducted with the inauguration of a bill board bearing the inscription: “Human Rights and Development: Every Single Day!” This will be followed by a panel discussion on Human Rights and Development to be attended by representatives from governmental, local civil society, academic community and international organizations.

The day will be observed under the theme, “ Human Rights and Development: Every Single Day!” in order to  emphasize the idea that  the need for the protection, respect and exercise of all human right is a basis for further victory on the all-out development front the country has been pursuing.

 

  
Minimize

EHRC signs MoU with Arba Minch University to further expand FLAS

                                                                           April 9, 2012

The Ethiopian Human Rights Commission (EHRC) has signed a Memorandum of Understanding (MoU) with the Arba Minch University 0n 5th of April, 2012 here at the Commission’s Head office in Addis Ababa to further expand free legal aid services. The MoU was signed by the Ethiopian Human Rights Commission Chief Commissioner, Ambassador Teruneh Zenna and President of the Arba Minch University, Dr. Yosef Biru.

 

                     Ambassador Teruneh (L) and Dr. Yosef signing the MoU

According to the agreement, the university is to be provided, among others; with financial and technical support by the Commission so as to enable the former to establish free legal aid centers in its environs and deliver free legal aid services to vulnerable groups including women, people with disabilities, and the poor.

On the occasion, the President of Arba Minch University; Dr. Yosef Biru; noting the limited financial capacity of his University, said that the Law school of the Arba Minch University is enthusiastic to work toward ensuring the communities’ rights of access to justice which constitute the basic human rights component. He added, the agreement will enable the University to address its financial problems and work relentlessly to provide free legal aid services in the area.

 

                                       On the occasion

Ambassador Teruneh, on his part said, his Commission is desirous of further expanding and building up free legal aid centers to all parts of the country and this one agreement with Arba Minch University will make contribution to cutting back numerous harmful traditional practices which compared to other parts is rampant and responsible for gross human rights violation in the area.  

This agreement is said to bring the number of free legal aid centers being established in collaboration with 17 Universities and various CSOS in various regions of the country since the mid of 2010 to 117.  

  
Minimize

 

Human Rights for All!

International Human Rights Day

December 10, 2012

The International Human Rights Day is celebrated accross the World on Decemeber 10. This year, the Human Rights Day is celebrated in Ethiopia under the theme "Human Rights for All". The Ethiopian Human Rights Commission has organized a half day Panel Discussion on the Human Rights day. The Panel Discussion will comprise of a plenary session where all relevant partners from governmental organizations, national institutions, the civil society, international community and academic institutions come together. A brief presentation will be made on the Commission's "Human Rights Protection Monitoring in Ethiopian Prison Report" for discussion. The overall objective of the discussion is to launch the aforesaid primary report. The panel discussion will be held on December 10, 2012 at 2:30PM at the compound of West Gojam Prinsons Administration, Bahir Dar.